Fevral 6, 2008 10:52
Əməkdar artist Mehriban Xanlarova hicab taxdıqdan sonra üzünə bir çox qapıların bağlandığını bildirib
Əvvəllər ancaq nənələrimizi başı örpəkli görərdik. İndi hər addımbaşı gənc hicablı qadınlara rast gəlmək mümkündür. Amma gənclər nənələrimiz qədər örpəyi baş üstündə gəzdirə bilirlərmi? ANS TV-nin mədəniyyət xəbərlərinin əməkdaşları bu mövzunu, başına örpək taxmış incə sənətin nümayəndələri arasında araşdırıb.
“Qan çıxmayan yerdən qan çıxarmayın. Allahla özüm bilərəm, başımı bağlayaram, bağlamaram. Mən sənət adamıyam” – deyə əməkdar artist Mehriban Xanlarova bildirib. Əməkdar artist Mehriban Xanlarova iki dəfə Həcc ziyarətində olub. Bir ara da başı bağlı gəzib. Hicab taxması böyük səs-küyə səbəb olub və aktrisa deyir ki, daha sonra bu səbəbdən üzünə çox qapılar bağlanıb.
