Dekabr 19, 2007 23:31
«Din vasitəsilə azadfikirliliyin məhdudlaşdırılması» barədə iddiasını irəli sürən cənab Z. Məmmədliyə qarşı cavab tezisləri.
Dəyərli Zeynal Məmmədli cənablarının «Zeynal Məmmədli din vasitəsilə azadfikirliliyin məhdudlaşdırılmasına qarşı» mövzusundakı tezislərini ürək ağrısı ilə oxudum. Qarşımda Azərbaycan ziyalılığına iddialı olan bir insanın faciəsi canlandı. O Azərbaycan ziyalısı ki, Sovet dönəmində ziyalıdan məlumatlıya çevrildi. Fobiyalarla dolu, öz milli-mənəvi ruhundan uzaq düşmüş bir zavallı Azərbaycan savadlısı, daha dəqiq və obyektiv söyləsək, məlumatlısı. Fərqli düşüncəyə apriori yad baxan, sanki gizlətdiyi irticavi mahiyyətində bir «qırmızı antidinçilik" gizlənmiş.
