Onlar Azərbaycan üçün uzun saqqallı, gödək balaqlılardan daha təhlükəlidirlər Azərbaycan hüquq-mühafizə orqanları radikal dini cərəyanlara qarşı geniş həbslər kampaniyası başladıb. Artıq son iki ayda ölkənin müxtəlif bölgələrində, o cümlədən Sumqayıt və Bakıda onlarla radikal görüşlü dindar həbs olunub. Rəsmi məlumatlarda göstərilir ki, xarici ölkələrdən gələn emissarların təsiri altında olan bu qruplaşmaların ölkədə sabitliyi pozmaq, xarici ölkə səfirliklərinə, dövlət idarələrinə qarşı terror-təxribat cəhdinin qarşısı alınıb.
Ölkə ictimaiyyəti, o cümlədən adətən hakimiyyətin addımlarında tənqidi məqamları qabardan əksər müstəqil və müxalif mətbuat orqanları bu əməliyyatları dəstəklədi. Əlbəttə, o da unudulmamalıdır ki, xarici ölkələrdən “idxal” olunan din pərdəsinə bürünmüş bu tip radikal qurumların Azərbaycan xalqı və dövləti üçün təhlükə yaratması ilə bağlı ilk xəbərdarlıqlar da məhz müstəqil mətbuatda yer alıb. Təbii ki, hakimiyyətin bu qüvvələrə qarşı tədbirləri, cinayətin qarşısının alınması təqdir olunmalıydı və oldu.

Davamı...