Mart 2, 2008 14:44
Əvvəllər ancaq nənələrimizi başı örpəkli görərdik. İndi hər addımbaşı gənc hicablı qadınlara rast gəlmək mümkündür. Amma gənclər nənələrimiz qədər örpəyi baş üstündə gəzdirə bilirlərmi? ANS TV-nin mədəniyyət xəbərlərinin əməkdaşları bu mövzunu, başına örpək taxmış incə sənətin nümayəndələri arasında araşdırıb.
“Qan çıxmayan yerdən qan çıxarmayın. Allahla özüm bilərəm, başımı bağlayaram, bağlamaram. Mən sənət adamıyam” – deyə əməkdar artist Mehriban Xanlarova bildirib. Əməkdar artist Mehriban Xanlarova iki dəfə Həcc ziyarətində olub. Bir ara da başı bağlı gəzib. Hicab taxması böyük səs-küyə səbəb olub və aktrisa deyir ki, daha sonra bu səbəbdən üzünə çox qapılar bağlanıb.
Xəbər verildiyi kimi, parlamentdə “Təhsil haqqında” yeni qanunun müzakirəsi gözlənildiyindən də gərgin keçib və layihə birinci oxunuşda qəbul edilib. Milli Məclis (MM) rəhbərliyi hicaba qadağa ilə bağlı müddəanın sənəddən çıxarılacağını bildirsə də, cəmiyyətdə bu yöndə şühbələr var.
Dini Etiqad və Vicdan Azadlıqlarının Müdafiə Mərkəzinin rəhbəri İlqar İbrahimoğlu qəzetimizə açıqlamasında bildirdi ki, məsələ həllini tapıb və inanclı xanımlara hicabla bağlı problem yaradılmayacaq: “Parlamentdəki müzakirlər zamanı spiker Oktay Əsədov həmin müddəanın sənəddən çıxarıldığını söylədi. Hətta o, Elm və Təhsil Məsələləri Daimi Komissiyasının sədri Şəmsəddin Hacıyevə deputatları məlumatlandırmadığı üçün irad tutdu”.
“Hicab taxmaq və ya taxmamaq hər kəsin fərdi seçimidir”. APA-nın məlumatına görə, bunu Tələbə Qəbulu üzrə Dövlət Komissiyasının sədri Məleykə Abbaszadə “Təhsil haqqında” qanun layihəsində təhsil müəssisələrinə müəllim və şagirdlərin hicabla gəlməsinə qadağa qoyulmasına münasibət bildirərkən deyib.
O, Konstitusiyaya əsasən dinindən və irqindən asılı olmayaraq hər ölkə vətəndaşının təhsil almaq hüququnun olduğunu xatırladıb: “Bu məsələyə görə hansısa şəxsin təhsil hüquqlarını məhdudlaşdırmaq düzgün deyil. Bir qadın kimi hesab edirəm ki, Allaha inanan insan bununla əlaqədar heç bir ifadə və açıqlama verməməlidir.
Davamı...
Türkiyənin yeni Konstitusiyasında hicablı xanımların problemi öz həllini tapır
Türkiyədə hicab bağlayan xanımların sayı artmaqda davam edir. Türkiyənin «Milliyət» qəzetinə istinad edən «İslam.ru» saytının verdiyi xəbərə görə, bu yaxınlarda «Konda» şirkəti tərəfindən aparılmış sosioloji sorğunun nəticələri buna sübut olmuşdur. Bildirildiyinə görə, sorğuda Türkiyənin 81 əyalətindən 41-ni təmsil edən 5289 respondent iştirak etmişdir.
Verilən məlumatlara görə yeni konstitusiyada universitetlərdə başörtüyünə olan qadağanın aradan qaldırılması məsələsi öz həllini tapacaqdır
"Haberler" informasiya portalının verdiyi məlumata əsasən, hicab problemini yeni konstitusiya vasitəsi ilə həll etmək istəyən AKP iqtidarı artıq bir müddət əvvəl 11 hüquqşünasın çalışmaları nəticəsində konstitusiya ilə bağlı başladıqları işləri yekunlaşdırmışlar. Hazırlanmış konstitusiyanı əvvəlcə baş nazir Ərdoğanın araşdırmasından sonra, qeyri hökumət təşkilatları, siyasi partiyalar və universitetlərin tanışlığı olmaları üçün təqdim ediləcək. Bu prosses AKP iqtidarı tərəfindən dekabr ayının ikinci ya da son həftəsində həyata keçiriləcək.
Davamı...Danimarka İslam Şurasının sədri danimarkalı müsəlman qadınlarının sayının müsəl
man kişilərdən çox olduğunu qeyd edib.
Şhia news-in verdiyi məlumata əsasən, Danimarka İslam Şurasının sədri Şeyx Əbdulahid Person Səudiyyə ərəbistanən "əl-Mədinə" qəzetinə verdiyi müsahibəsində vurğulayıb ki, bu ölkədə müsəlman qadınlarının çox olmasına səbəb onların İslam dinindən daha çox məlumata malik olmasıdır.
O, həm də demişdir: "Danimarkada İslam peyğəmbərini (s) təhqir edən və dünya müsəlmanlarının qəzəbinə səbəb olan karikaturalardan sonra qadınların İslamı qəbul etməsi çoxalmağa başlamışdır".
Şeyx Abdulvahid Person əlavə edərək deyir:" Gündəlik olaraq çoxlu sayda danimarkalılar islamı tanıtdıran kitab və kitabçaları almaq üçün bizə müraciət edir və bir ay ərzində 10-15 danimarkalı İslam dininə tapınır".
O, Qurani-kərimin Danimarka dilinə tərcümə olunmasını xəbər verərək qeyd edir: " Bu iş danimarkalıların İslam dini ilə taniş olmasında boyük rol oynamışdır".
