GÖZƏL məkan

Ümmətin səndən umar yalnız şəfa, ya Mustəfa,
Eşqin ilə tez tapar dərdlər dəva, ya Mustəfa.

Ay günəşdən yox, Sənin sevgindən almışdır işıq,
Çün bütün aləmlərə sən sən ziya, ya Mustafa.

Sən uca Rəbbin cahan üzrə səxavət kanısan,
Mərhəmət etdin, kərəm qıldın rəva, ya Mustəfa.

Mərhəba olsun, məqamın ərşi-əladır Sənin,
Münisin olmuş həmən yerdə Xuda, ya Mustəfa.

Gər nəzər etsən tapar həllin bütün müşküllərim,
İltimasım var, kərəm et bir dua ya Mustəfa.

Mən itaət eylədim quranə, həm də İtrətə,
Sərvərim olmuş bütün Ali-əba, ya Mustəfa.

Məm kiməm vəsfin yazam, tərif edəm bir zülfünü,
Sən fəzilətlə dolu şah, mən gəda, ya Mustəfa.

Niyam Aqil

Qəm yemə, qəm yemə, divanə könlüm,
Həmişə ruzigar belə dar olmaz!
On bir il çəkmişəm zimistan qəhrin,
O nə güldü, çevrəsində xar olmaz?! Davamı...

Davamı...

Davamı...

Kərbəlа…

Dünyаnı hər zаmаn аdı ilə titrədəcək аzаdlıq mеydаnı.

Kərbəlа…əbədiyyət və sоnsuzluğun dünyа hüdudlаrındаn kənаr ərşin аltındа yеrləşdiyi məkаn. Kərbəlа… Qаnın qılıncа qələbə çаldığı cənnətin bir guşəsi . Kərbəlа… Аşıqin Məşuqа qоvuşduğu qаnlı məhəbbət ünvаnı. Kərbəlа… Bəlаlаrın səаdətə çеvrildiyi və səаdətin əbədiyаşаr zirvəsi. Kərbəlа… dünyа buхоvlаrının qırıldığı mənəviyyаt dünyаsı. Kərbəlа….

Ünvаnınа dеyiləsi kəlmələrin sоnsuzluğu müqаbilində vəsfinə аciz оlduğumuz bəşəriyyətin tək nicаt qаpısı, Kərbəlа. Bəli, həqiqətən də vəsfi аğıllаrın bеlə аlmаdığı həmişəyаşаr Kərbəlа. Zаmаn bu qаnlı оlаyın üzərinə nə kimi pərdələr çəkməyə cəhd еdənlərin iç üzünü аlmış, nə qədər əks cəbhədə durаnlаrı tаriхin qаrа səhifəsində аlçаldаrаq məhkum еtmişdir. Böhtаnlаr, ittihаmlаr, yаlаn və iftirаlаr bu şаnlı səhifənin üzərində həqiqət möhrünü nəinki silməyə qüdrətli оlmаmış, əksinə Kərbəlа dəyərlərini bəşəriyyətə dаhа çох dərk еtmək üçün zəmin оlmuşdur.

Davamı...

Ya Rəsulallah-
Bu axır zamanın qaranlığında
Sən mənə işıq ol ya Rəsulallah
Günahlar içində batıb qalmışam
Uzat əllərini ya Rəsulallah
***
Dərdliyəm-xəstəyəm təbibim olsən
Könlümə əlac ol ya Rəsulallah
Yetiməm-qəribəm kimsəsizəm mən
Dərdimə sirdaş ol ya Rəsulallah
***
Mübarək əlinlə toxun köksümə
İmanım şad olsun ya Rəsulallah
Mələklər şahiddir mənim sevgimə
Canım sənə fəda ya Rəsulallah.

Davamı...

Sara səkkiz yaşında olanda ata-anasının söhbətlərindən anladıki, qardaşı ağır xəstədir və valideynlərinin  onu həkimə aparmağa pulları yoxdur. Atası bu yaxınlarda işini əldən vermiş və qardaşını əməliyyat etdirmək üçün isə kifayət qədər pulu yox idi.     Sara qapının astanasında atasının anasına yavaş səslə - Yalnız möcüzə oğlumuzu xilas edə bilər- dediyini eşitdi və narahat halda öz otağına gedib pulqabını sındırıb içindən çıxan qəpikləri əlinə yığıb saydı- yalnız beş dollar. Ehmalca arxa qapıdan çölə çıxıb iki küçə yuxarıda olan apteklərin birinə girdi. Piştaxtanın önündə durub əczaçının ona diqqət yetirməsini gözlədi. Lakin, əczaçinin başı digər müştərilərə qarışdığından ona diqqət yetirmirdi. Nəhayət, Saranın səbri tükənib dəmir pullari möhkəmcəsinə piştaxtanın üzərinə tökdü. Davamı...

«Media forum» saytı hazırda həbsdə olan «Azadlıq» qəzetinin baş redaktoru Qənimət Zahidin tələbəlik illərində yazdığı şeirlərdən bir neçəsini oxucuların diqqətinə çatdırır.

Saytın əməkdaşları Qənimət Zahidin həyat yoldaşı Ayəndə xanımın təqdim etdiyi bu şeirləri sovet dövrünün 44 qəpiklik, 96 səhifəlik dama-dama dəftərindən köçürüblər. Dəftərin üstündə yazılıb: «Zahidov Qənimət. Divani-hikmət. Təvarix əl-miladi, Bakı - 1988». Dəftərə 1989-cu ilin şeirləri də düşüb.

Qənimət Zahid 1963-cü il fevralın 11-də Şamaxının Meysəri kəndində doğulub. Bakı Dövlət Universitetini 1990-cı ildə bitirib. 1990-94-cü illərdə «Azadlıq» qəzetində (şöbə müdiri, redaktor müavini, redaktor) çalışıb. «Yeni Nəsil» və «Azad söz» jurnalist birliklərinin, Xalq Azadlıq Partiyasının sədri, «Ekspress» qəzetinin baş redaktoru olub. 2003-cü ildən «Azadlıq» qəzetinin baş redaktorudur.

Davamı...

Yapon dilində “koto” kəlməsi həm söz, həm də əməl mənasında işlənir.

Sözlə işin bir kəlmədə ifadəsi!
Düzgünlüyün, həqiqətin, haqqın səsi!
Ürək dillə birləşəndə
Xarabalıq cənnət olur...
Söz əməllə birləşəndə
Tayfa dönüb millət olur.

***

Bu məqamda dələ bilməz
Həqiqətin sinəsini ağ yalanlar.
Bu məqamda ola bilməz
İş yerinə söz satanlar, söz alanlar.

***

And içsə də yerə-göyə
“İnanmıram, sözdür”- deyə
Dilimizdə açıq-aşkar,
Sözün yalan rəngi də var.

***

Davamı...

Kitab, qəzet, dərgi, radio, İnternet və televiziya həyatımıza girən, özlərinə çox möhkəm yer tutmuş informasiya və əyləncə vasitələridir. Azərbaycanda çox az adamın gündəlik yaşamında sadalanan vasitələr düşünməyə vadar edən, ona xəbər və ya bilik verən nəsnələrdir indi. Bu gün kitablardan bəhs edəcəyik. İş otağımda onlarladır belə nəşrlər. Hər gün artırlar. Hamamböcəkləri təkidir - mübarizə effekt vermir. Hətta bir ara qapıya "Dəyərli oxucular, lütfən, bura bir daha Azərbaycanda çap olunmuş kitab gətirməzdən əvvəl diqqətlə oxuyun, yazılanlara vaqif olun, sonra qoltuğunuza vurub yüyürün üstümə!" elanını yazmaq keçmişdi könlümdən. Çünki kitabla üstümə gələn oxucularım ox ucuna dönürlər. Niyəsi var. Davamı...

Əcnəbi sözlərə ifrat meyillik bunun göstəricisidir
Bəri başdan qeyd edim ki, təkcə bizim nəzərimizcə deyil, digər хalqların ziyalıları da   Azərbaycan dilini türk və eləcə də Qafqaz dilləri arasında    qrammatik cəhətdən daha çoх formalaşmış, ən gözəl   dil sayırlar. Peşəkar nöqteyi-nəzərlə yanaşdıqda bir çoхumuz əslində   heç də belə düşünmürüksə, gör bir zəif hesab olunan digər dillər nə gündədir! Şimali Azərbaycan хalqının bu gözəl dili təsadüflərin məhsulu deyil.

Davamı...

“Dörd dördlük”. Bu günlərdə Türkiyədə işıq üzü görən Azərbaycan nasirlərinin əsərlərindən ibarət toplu belə adlanır. Türkiyə türkcəsində “mükəmməl dördlük ” anlamına gələn kitaba 80-90-cı illər Azərbaycan poeziyasını təmsil edən nasirlərdən Əlabbasın, Aslan Quliyevin, Nəriman Əbdülrəhmanlının və Fəxri Uğurlunun hekayə və povestləri daxil edilib.
Bunlar Azərbaycan oxucusuna da yaxşı tanış olan “Mərənd ölüsü”, “Gəlin”, “Gözəl”, “Həbsxanadan qaçmış cani”, “Keçmiş döyüşçü və oğlan”, “Dönəlgə”,"Şeyx Sənan", “Leylinin məcnunuğu” və digər nəsir nümunələridir.

Davamı...

Yenə o bağ olaydı, yenə yığışaraq siz
O bağa köçəydiniz.
Biz də muradımızca fələkdən kam alaydıq,
Sizə qonşu olaydıq.
Yenə o bağ olaydı, səni tez-tez görəydim,
Qələmə söz verəydim.
Hər gün bir yeni nəğmə, hər gün bir yeni ilham,
Yazaydım səhər-axşam.
Arzuya bax sevgilim, tellərindən incəmi ?
Söylə ürəyincəmi ?

 

 

Mənim ən çox sevdiyim şeirlərdən biri.

Davamı...

 Mikayıl Müşfiq

Füzuli Mikayıl Müşfiq üçün şer Allahıymış. O, gecələr yataqda gözlərini Füzuli divanı ilə yumar, səhərlər Füzuli divanı ilə açarmış. Füzulinin sehrkar qələminə heyranlığını heç cürə gizlədə bilmirmiş. Bir gün o, dostu şair Mir Mehdi Seyidzadəgildə gecələyir. Səhər tezdən Müşfiq əlində Füzuli divanı Mir Mehdini yuxudan oyadır:
-Mir Mehdi, bax, gör nə deyir! Belə də gözəl söz olar! Hər misrada nə qədər böyük məna var! Biz də adımızı şair qoymuşuq...

Sonralar Müşfiqin vaxtilə oxuyub, bəzi səhifələrində qeydlər etdiyi həmin Füzuli divanı şair Mir Mehdi Seyidzadənin kitabxanasında olduğu kimi saxlanılırmış.

Məhəmməd  Füzuli

Füzuli böyük zəhmətkeş idi, ancaq çox vaxt çəkdiyi zəhmətlər və sərf etdiyi vaxt hədər gedərmiş.
-"Elə zamanlar olmuşdur ki, gecə sabaha qədər yuxusuz qalmaq zəhərini dadıb bağrımın qanı ilə bir məzmun tapıb yazmışam. Sabah olanda başqa şairlərə təvarüdə düşdüyümü görüb yazdıqlarımın üstündən qələm çəkmişəm. Elə zamanlar da olmuşdur ki, səhərdən axşama qədər düşüncə dəryasına dalıb şer almazı ilə heç kəs tərəfindən söylənməmiş inci demişəm. Bunu görənlər "bu məzmun anlaşılmayır, bu ləfz xalq arasında işlənməz və xoşagəlməzdir" - demişlər. O məzmun gözümdən düşmüş, hətta qələmi əlimə alıb onun üzünü ağartmamışam. Nə qəribə haldır."

Davamı...

 Hekayə

Çox danışdı, bacardığı qədər etiraz elədi, qız bəyənmək-filan nədi, hansı dövrdü, hansı zəmanədi? Ali  təhsilli müəlliməm, tay-tuş içinə çıxa, şagirdlərimin gözünün içinə baxa bilmərəm! Mənim qəlbim qalıb sahil parkındakı söyüd ağacının dibində, orda guppa-gupla vurur,  guppultusu dənizin səsini belə batırırsa, burda, dağ başında necə qız bəyənə bilərəm? Nənəsi isə onu eşitmək belə istəmədi, ağlını başına yığ, hədə ilə dedi, məktəbi qurtarıbsan, dərs deyirsən,  nəyi gözləyirik? Qız  yıxılan evin dirəyidi, oxumuş qızdı,  xəstəxanada həkim işləyir, gözəl-göyçək, su sonası! Sizi özbaşınıza qoysaq, ömrünüzün sonuna kimi subay qalarsız.

Davamı...

"Zirvədə oyanar insan gün işığına"

Qəlbə gedən yolları və keçidləri tikanlıqlara çevirən çağın, yüzilliyin və mühitin insanlarına çatmaq naminə yalnızlaşıb beşinci mövsümə yönələnlərin yuxularına qarışıram.

Göyündə ulduz olmayan gecələrin içindən qopub gələn məktublara, çətin bir şəhərdən cavablar yazıram: O qədər çirkinliyə, gurultuya, bilik deyə təqdim olunan doldurma materiallara, yadlaşmağa incəlmiş duyğuların tərpənişlərinə lal qalan “şəkil”lərə baxmayaraq, qəlbin asimanı altında və cazibə sahəsində yaşayan könüllərlə söhbətləşmək üçün...

Davamı...

Şair Ramiz Rövşənin “Göy üzü daş saxlamaz” kitabı Azərbaycan dilində çap olunan “Yaşmaq” ədəbi-bədii jurnalının təşəbbüsü ilə İranda nəşr edilib. Kitabın redaktoru Səid Muğanlının APA-ya verdiyi məlumata görə, Azərbaycan dilində, lakin ərəb qrafikası ilə çap olunan kitabın rəssamı Ərdəkir Rüstəm olub.

Davamı...

Durmuşam sahildə tənha, bir dənizdir, bir də mən,
Gözdən itmiş sanki dünya, bir dənizdir, bir də mən.

Vaxt var idi birgə idik, sevgilim, mən və dəniz,
İndi yox heyf ol dilara, bir dənizdir, bir də mən.

Cümlə aşiqlər səni görmək ümidin üzdülər,
Göz dikən yoluna bica bir dənizdir, bir də mən.

Davamı...