BRİTANİYA ŞİRKƏTİ ÖZ MÜSƏLMAN İŞÇİSİNİ MÜDAFİƏ ETDİ
İslam. ru xəbər verir: Britaniyanın avtobus kompaniyası öz müsəlman işçisini müdafiə etdi. Belə ki, o, fasilə vaxtı namaz qılması üçün sərnişinlərdən salonu boşaltmağı xahiş etmişdir. Bu isə onlarda bir qədər qeyri-adekvat reaksiyaya səbəb olmuşdur.
Məsələyə izah gətirən "London United busvays" kompaniyası məlumat vermişdir ki, bu hadisənin kifayət qədər tədqiqatı aparılmış və müəyyən edilmişdir ki, sürücü Arunas Raylinaytis, Lenqli şəhərində canamazını götürərək, öz 81 nömrəli avtobusunun yanında üzü Məkkəyə dayanmışdır. Rəhbərlik bu faktı analiz edərək, elan etmişdir ki, bu hadisə o vaxt baş verib ki, sürücünün 10 dəqiqəlik istirahət fasiləsi olub. Beləliklə onun öz vaxtını istədiyi kimi istifadə etməyə haqqı vardır.
Həmçinin rəhbərlik əlavə etdi ki, dispeçer doğrudan da Raulinaytisə radio əlaqə ilə avtobusu Lenqli şəhərinin yanğınsöndürmə stansiyası yaxınlığında saxlamağı tapşırmışdır. Deməli, sürücü təlimata tam uyğun hərəkət etmiş və heç bir xətaya yol verməmişdir.
