Danimarkada İslam universiteti açılacaq
Danimarkalı müsəlmanlar paytaxt Kopenhagendə İslam universiteti açmağa hazırlaşır. Bu addım Danimarkada ərəb mənşəli müsəlman miqrantları bir təşkilat altında toplayan "Danimarka Müsəlman Camaatı" tərəfindən atılacaq. Dərnək bu cəhdini, Danimarkanın rəsmi qurum və təşkilatları ilə görüşmədən həyata keçirmək istəyir. Təhsil qurumunun müəllimləri isə Misirin məşhur Əl Əzhər universitetindən gətiriləcək. Fakültədə ilahiyyat fənnləri ilə birlikdə iqtisadiyyat, hüquq və təhlükəsizlik siyasəti dərsləri də veriləcək.
Danimarka Xarici İşlər Nazirliyinin nəzdində fəaliyyət göstərən Danimarka-Misir dialoq İnstitutunun müdiri Rasmus Alenius Boserup, “camaat”ın Əl Əzhər ilə əməkdaşlığında heç bir təhlükə olmadığını, icazə alınmamasının problem təşkil etməyəcəyini deyib.
Xatırladaq ki, Danimarkada 350 minə yaxın müsəlman mənşəli miqrant var. Son illərdə isə İslam dinini qəbul edən danimarkalıların sayı isə 5000-i keçib. /ANSPRESS
