İslam Konfransı Təşkilatına ABŞ-ın ilk nümayəndəsi təyin edilib
Amerika prezidenti Corc Buş İslam Konfransı Təşkilatına (İKT) Amerikanın ilk xüsusi nümayəndəsi təyin edilib. Bu Pakistan əsilli, 57 yaşlı iş adamı, yüksək texnologiya sahəsində rəhbər işlərdə çalışmış Sada Kumberidir.
Fevralın 27-də Kumberlə görüşündən sonra Buş bildirib ki, bu vacib bir tapşırıqdır. “Bu missiyanın mahiyyəti İslam dünyasına Amerikanın dost - azadlığın dostu, sülhün dostu olduğunu izah etməkdir. “Amerika barədə çox sayda səhv anlaşılma var və Sada bizim həqiqəti izah etmə səylərimizin bir hissəsi olacaq”.
1951-ci ildə Pakistanın Karaçi şəhərində anadan olan Kumber 1978-ci ildə Birləşmiş Ştatlara mühacirət edib, 1986-cı ildən ABŞ vətəndaşıdır. Texas ştatının Austin şəhərində yaşayan uğurlu və tanınmış iş adamı olan Kumber ötən 25 ildə altı şirkət təsis edib. /ANS PRESS/