Fevral 6, 2008 11:17
12 metr yüksəklikdən atılan körpə sağ qalıb

Yanğın zamanı binadan atılan körpəni polis işçisi tutub
Almaniyanın Lyudviqsxafen şəhərində baş verən yanğın zamanı 12 metr hündürlükdən yerə atılan körpə sağ qalıb. Dördüncü mərtəbədən atılan körpəni binanın həyətində duran polis əməkdaşı tutub. Hadisə vaxtı yaxınlıqda olan 43 yaşlı veb dizayner uşağın atılması anını lentə ala bilib.
Xatırladaq ki, dünən türk miqrantlar yaşayan dördmərtəbəli binanın yanması nəticəsində 9 nəfər ölüb, onlardan 5-i uşaqdır. /ANS PRESS/
