MƏKKƏDƏ TERROR HAZIRLAYANLAR TUTULUB
Səudiyyə Ərəbistanında Həcc ziyarəti ərəfəsində terror törətməyə hazılaşan “Əl-Qaidə” ilə əlaqəsi olan qrup tutulub. Ölkənin daxili işlər nazirliyindən verilən məlumata görə, şübhəli şəxslər Həcc ziyarətinin başlamasına üç gün qalmış fərqli yerlərdə yaxalanıbılar.
CNNturk-ün məlumatına görə, saxlanıların sayı barədə dəqiq məlumat verilmir. Səudiyyə Ərəbistanı daxili işlər naziri bildirib ki, “Əl-Qaidə” ilə əlaqəsi ehtimal olunan qrupun hədəfi Məkkə və hacılar olmayıb. Nazirliyin sözcüsü general Mansur Əl-Türki deyib ki, qrupun terror törətməkdə məqsədi ölkənin təhlükəsizliyinə qarşı olub və terror aktı Həcc ziyarəti zamanı olmalı imiş.
ANS PRESS
